sudandiki ichki toqunushlar dawamlashmaqta
sudanda armiye terep bilen téz yardem bérish küchliri otturisida paytext xartumning shimali we jenubida shiddetlik toqunushlar yüz bermekte.
türkiye awazi radiyosi xewiri: 4-ayning otturiliri bashlanghan ichki toqunush xelqara jemiyetning urush toxtitish we émbargo yürgüzüsh tehditige qarimay uda 59 kündin buyan üzlüksiz dawamlashmaqta.
armiye bilen téz yardem bérish küchliri paytext xartumning shimalidiki behri rayoni we jenubtiki bezi rayonlarda yénik we éghir tipliq qoral - yaraghlar bilen toqunushti.
rayon ahaliliri zembirek, partilash awazlirini anglighanliqlirini, hemme yaqni is-tütek qaplap ketkenlikini, sheher asminida urush ayropilanlirining körülgenlikini bayan qildi.
shahitlarning bildürüshiche, sudan armiyesige ait urush ayropilanliri paytext xartum etrapidiki bir qisim mehelle we asasliq kochilargha orunlashqan téz yardem bérish küchlirini hujum nishani qilmaqta iken.
amérika qoshma ishtatliri bilen seudi erebistan sudan krizisini hel qilish meqsitide ishqa kirishtürgen söhbet netije bermigen, urush toxtitish qararlirigha köp qétim xilapliq qilinghanidi.
