donald tramp fédératsiye sot mehkimiside sotqa tartildi
amérikaning sabiq prézidénti donald tramp miamidiki fédératsiye sot mehkimiside döletning mexpiy höjjetlirini yoshurghanliqi toghrisidiki eyibleshlerni ret qildi.
türkiye awazi radyosi xewiri: amérika sabiq pirézidénti donald tramp keng kölemlik bixeterlik tedbirliri astida sotqa yétip bardi, uninggha «döletning mexpiy höjjetlirini yoshurush we bu mesile toghrisidiki tekshürüshke tosqunluq qilish» qatarliq 37 ayrim eyiblesh oqup ötüldi.
tramp eyibleshlerni ün-tinsiz anglidi, uning adwokati tod w. blanché barliq eyibleshlerni ret qilidighanliqini éytti.
sotni közitish üchün az sandiki zhurnalistlarning zalgha kirishige ruxset qilindi. sinalghu, kaméra, téléfon we kompyutér qatarliq awaz xatirilesh üskünilirige ruxset qilinmidi.
texminen 50 minut dawamlashqan sottin kéyin, donald tramp sirtta saqlap turghan qollighuchilirining xushalliq sadaliri arisida aptomobil etriti bilen sot mehkimisidin ayrildi.
tramp aprél (2023) da ishtatliq jinayi eyibleshler üchün tunji qétim nyu yorkta sotqa qatnashqan bolup, u tünügünmu fédératsiye sotining eyibleshliri bilen «ikkinchi qétim sotqa tartilghan sabiq pirézidént» süpitide tarixtin orun aldi.
