taliban iran chégrasida herbiy manéwir ötküzdi

türkiye awazi radiyosi xewiri: taliban manéwirning meqsitining taliban küchlirini yéngi tejribilerge ige qilish ikenlikini bildürdi.

talibanlar 2021- yili 8- ayda afghanistanda hakimiyetni qolgha kirgüzgendin kéyin, taliban küchliri bilen pakistan we iran chégra qisimliri otturisida pat - pat qoralliq toqunushlar yüz bermekte.

talibanlar bilen iran chégra mudapiesi qisimlirining 27- may nimruz chégrasida yüz bergen eng yéngi toqunushida, iranning ikki eskiri bilen bir taliban ezasi hayatidin ayrilghanidi.

bir- birini toqunushni bashlash bilen eyibligen terepler, söhbetlishish arqiliq jiddiychilikni peskuygha chüshürgenidi.

taliban bilen iran otturisidiki pat- pat yüz bérip turidighan chégra toqunushliridin bashqa, her ikki terep hilmend deryasi süyidin teng behrimen bolush mesilisidimu éghir sürkilishlerni bashtin kechürmekte.

taliban hökümiti rayondiki qurghaqchiliq sewebidin hilmend deryasi boyidiki tosmilarning süyining aziyip ketkenlikini, shunga suning irangha yétip baralmighanliqini ilgiri sürse, iran kespiy xadimlerning tosmilarni ziyaret qilip, bu ehwalni delillishi kéreklikini otturigha qoymaqta. emma talibanlar iranning bu telipini ret qilmaqta.