iranning riyad elchixanisi qayta échildi

türkiye awazi radiyosi xewiri: iran téléwiziyesining xewirige qarighanda, iranning riyad elchixanisining échilish murasimigha iran muawin tashqi ishlar ministiri eli riza bigdeli qatnashqan.

 seudi erebistanda 2016-yili 1-ayning 2-küni shie alim nimr ennimrni öz ichige alghan 47 kishi «térrorluq» jinayiti bilen eyiblinip ölüm jazasigha höküm qilinghanidi.

iran dairilirining ölüm jazasigha naraziliq bildürüp, arqimu arqa bayanatlarni élan qilishidin kéyin, seudi erebistanning téhran elchixanisi we meshhed shehiridiki konsulxana binasigha irandiki namayishchilar teripidin ot qoyuwétilgenidi.

bu hujumlardin kéyin, seudi erebistan hökümiti 3-yanwar (2016) iran bilen diplomatik munasiwetni üzgenlikini élan qilghanidi.

riyad bilen téhran aridin yette yil ötkendin kéyin, 10 – mart (2023) küni béyjingda xitay dairilirining muressechilikide diplomatik munasiwetlerni ikki ay ichide qaytidin eslige keltürüshke pütüshkenidi.

iran tashqi ishlar ministiri hüseyin emir abdullahyan bilen seudi erebistan tashqi ishlar weziri feysel bin ferhan 6-aprél küni béyjingda körüshüp, ikki döletning elchixanilirini qaytidin échish, ikki dölet otturisidiki ayropilan seperlirini qaytidin ishqa kirishtürüsh we wiza resmiyetlirini qolaylashturush mesiliside birdeklik hasil qilghanidi.

iran 23-may küni muawin tashqi ishlar ministiri eli riza énayétining riyad bash elchisi süpitide wezipige teyinlengenlikini uqturghanidi.