iran chégrasida taliban bilen iran eskerliri otturisida toqunush yüz beri
iran ichki ishlar ministiri ehmed wahidi chégrada yüz bergen toqunushtin kéyin, taliban emeldarliri bilen muzakirileshkenlikini we mesilining hel qilinghanliqini hemde chégralarda bixeterlikning emelee ashurulghanliqini éytti.
türkiye awazi radiyosi xewiri: ichki ishlar ministiri wahidi tünügün (28-may) iran dölet téléwiziyesige bergen bayanatida, iran chégra mudapie qisimliri bilen taliban otturisida sistan-béluchistan ölkisige qarashliq hirmand rayonidiki chégra éghizida, sasuli saqchixanisi etrapida yüz bergen toqunush heqqide melumat berdi.
wahidi toqunushta taliban küchlirige «kéreklik jawab» qayturulghanliqi bayan qilip: «qisqa muddetlik toqunush yüz berdi. taliban terep bilen söhbet ötküzüldi, mesile hel boldi. hazirche mesile yoq, chégra tinch we ochuq» dédi.
iran tünügün chégra mudapie qisimliri bilen taliban küchliri otturisidiki toqunushta, ikki iran eskirining hayatidin ayrilghanliqini élan qilghan idi.
taliban bolsa, toqunushta bir ezasining qaza qilghanliqini élan qildi.
terepler bir-birini «toqunushni bashlighan terep» dep eyibleshmekte.
