b d t türkiyening xartumdiki elchixanisining mashinisigha oq chiqirish weqesini eyiblidi
birleshken döletler teshkilati (b d t) türkiyening xartumda turushluq bash elchisi ismail chobanoghlu olturghan diplomatlar mashinisigha qilinghan hujumni eyiblidi.
türkiye awazi radiyosi xewiri: b d t bash katipning muawin bayanatchisi farxan heq diplomatlarning mashinilirigha qilinghan hujum heqqide toxtilip: «biz hepte axirida türkiyening diplomatlar mashina etritige qilinghan hujumni öz ichige alghan barliq diplomatik xadimlargha qilinghan her xil hujumlarni eyibleymiz» dédi we sözini dawamlashturup, bu xil hujumlarning estayidil tekshürülüshi kéreklikini otturigha qoydi.
tünügün türkiyening sudandiki elchixanisigha yéqin jayda sudanda türkiyening xartumda turushluq bash elchisi olturghan mashinigha oq chiqirilghanidi.
sudandiki toqunushuwatqan ikki terep (armiye bilen téz yardem bérish qisimliri) bir – birini bash elchi chobanoghlu olturghan diplomatik mashinigha hujum qilish bilen eyibligenidi.
dölitimiz (türkiye jumhuriyiti) tashqi ishlar ministiri mewlüt chawushoghlu bash elchi ismail chobanoghluning mashinisigha oq chiqirish weqesi toghrisida toxtilip: «meyli bash elchimiz meyli qoghdighuchi dostlar yaki alahide qisimlirimiz bolsun, qérindashlirimizning héchbiri yarilanmidi, aptomobil ziyangha uchridi» dégenidi.
