riwandada yüz bergen su apiti we tagh siyrilip chüshüsh weqeliride yüzdin artuq adem qaza qildi
riwandada seyshenbe künidin buyan dawamlishiwatqan shiddetlik yamghur keltürüp chiqarghan su apiti we tagh siyrilip chüshüsh weqeliride 109 adem qaza qildi.
türkiye awazi radiyosi xewiri: riwanda jiddiy ishlarni bir terep qilish ministiri mari solangé kayisiré döletning gherbiy we shimalidiki ölkilerde yaghqan shiddetlik yamghur peyda qilghan su apetliri we tagh siyrilip chüshüsh weqeliride 109 kishining qaza qilghanliqini؛ qaza qilghanlarning bezilirining öyliride qapsilip qalghan kishiler ikenlikini bildürdi.
izdesh - qutquzush xizmetlirining dawam qiliwatqanliqini tilgha alghan kayisiré, apet netijiside nurghun öylerning weyran bolghanliqini we déhqanchiliq yerlirining talapetke uchrighanliqini tekitlidi.
ngororéro, rubawu, nyabixu, rutsiro we karongi qatarliq rayonlarning apetning éghir tesirige uchrighanliqigha isharet qilghan kayisiré, éhtiyajliq kishilerni chédir bilen teminlesh xizmetlirining bashlighanliqini qeyt qildi.
igilinishiche, riwandaning mukamira – ngororéro we rubawu - rutsiro yolliridimu buzulush ehwalliri körülgen.
