london ayrodurumining xadimliri ish tashlidi

türkiye awazi radiyosi xewiri: london xésrow ayrodurumining amanliq saqlash xadimliri bügün (4-may) din bashlap ish tashlidi. 6-mayghiche texminen 1400 amanliq saqlash xadimi ish tashlaydu. ayrodurum uyushmisi 9-10-may we 27-25-may künlirimu ish tashlashni pilan qildi.

yoluchilar yüz bérish éhtimali bolghan kéchikishler toghrisida agahlanduruldi.

ayrodurum mesulliri yoluchilargha ayrodurumgha kélishtin ilgiri ehwalni  sürüshte qilishni tewsiye qildi.

xésrow ayrodurumi yoluchilarning ish tashlashning tesirige uchrimasliqi üchün jiddiy ehwal pilanining yolgha qoyulghanliqini élan qildi.

ayrodurum mesulliri bilen uyushma mesullirining söhbetliride, maashni %10 östürüsh we bir qétimliq 1150 stérling mukapat bérish teklip qilindi.

bu heptide engliye bilen gallérda oqutquchilar hökümet bilen dawamlashqan maashni östürüsh mesiliside kélishelmigenliki sewebidin ish tashlighan we minglarche oqutquchi hökümet binasigha qarap piyade yürügen idi.