biraziliye télégram ep détalini waqitliq cheklidi
biraziliye fédératip sot mehkimisi yéngi natsist guruppilirining kattibashliri toghrisidiki uchurlarni saqchilar bilen ortaqlishishni ret qilghan uchurlishish ep détali — télégramni waqitliq chekleshke höküm qildi.
türkiye awazi radiyosi xewiri: biraziliye istixbarat (dölet bixeterlik) idarisi bayanat élan qilip, gogul, alma we biraziliyening töt télégraf shirkitining télégram ep détalini ep dukanliri we bashqa supilardin chiqiriwétishke buyrulghanliqini uqturdi.
igilinishiche, télégramma shirkiti sanliq melumatlar bilen teminleshni ret qilishni dawamlashturuwergen teqdirde, künige 198 ming dollar jerimane qoyulidiken.
saqchilar noyabirda arakruzdiki ikki mektepte töt ademni öltürüp, ongha yéqin ademni yarilandurghan 16 yashliq bir balining télégram supisida yehudiylargha qarshi mezmun tarqatqanliqi éniqlanghandin kéyin, bu heqtiki uchurlargha érishishni telep qilghan.
saqchilarning télégramma shirkitige sunghan uchur bilen teminlesh telipide, mezkur kishining zorawanliq weqeliri, bomba yasash sinliri we az sanliq milletlerge bolghan öchmenlikke ilhamlandurighan matériyallarni hembehirlengenliki otturigha qoyulghan.
teptish xadimliri mezkur ashqun guruppining ezaliri bilen bashqurghuchiliri otturisidiki munasiwetler we bu guruppining hujumchining jinayet sadir qilishigha tesir körsetken – körsetmigenliki toghrisida téximu köp uchurlargha érishishni ümid qilidighanliqini bildürdi.
