сергей лавровниң б д т йиғиниға рийасәтчилик қилишиға қаттиқ наразилиқ билдүрүлди

түркийә авази радйоси хәвири: украина пирезидентлиқ ишханисиниң мәслиһәтчиси михайил подолйак русийә ташқи ишлар министири сергей лавровниң бирләшкән дөләтләр тәшкилати хәвпсизлик кеңиши йиғиниға рийасәтчилик қилишиға қарита, «икки йүзлимичилик вә демократийәни айақ- асти қилғанлиқ» дәп баһа бәрди.

подолйак твиттер адресида байанат лан қилип, лавровниң б д т хәвпсизлик кеңиши йиғиниға рийасәтчилик қилиши үстидә тохталди.

лавровниң б д т хәвпсизлик кеңиши йиғиниға рийасәтчилик қилишиға қарита, «икки йүзлимичилик» дәп дәп баһа бәргән михайил подолйак: «лавров б д т хәвпсизлик кеңиши йиғиниға рийасәтчилик қилмақта, урушни, қирғинчилиқни вә бузғунчилиқини қанунлуқ салаһийәткә игә қилмақта» деди.

михаил подолйак русийәниң демократийәни, әркинликни вә келишимләрни очуқ-ашкара айақ-асти қилғанлиқини тилға елип: «немә болди? қизиқарлиқму? һақарәтлинишни бәкла йақтурамсиләр? русийә террорлуқниң қоллиғучиси дәп елан қилиниши лазим вә һәммә йәрдин қоғлиниши керәк» деди.

русийә 1-апрелда б д т хәвпсизлик кеңишиниң нөвәтчи рәисликини үстигә алған болуп, лавров 24 - вә 25-апрелдики йиғинларға рийасәтчилик қилған иди.