makron xitay bash elchisining bayanatigha qattiq naraziliq bildürdi
firansiye pirézidénti émmanuél makron xitay bash elchisining sabiq sowét ittipaqi döletlirining salahiyiti toghrisidiki sözige naraziliq bildürdi.
türkiye awazi radiyosi xewiri: bélgiyede chaqirilghan shimaliy déngiz bashliqlar yighinigha qatnishiwatqan émanuél makron firansiyening BFMTV qanilining soallirigha jawab bérish jeryanida, xitay bash elchisi lu shayini tenqid qilip: «méningche, bir diplomatning bundaq til ishlitish heddi yoq» dédi.
makron firansiyening xitay bash elchisi tilgha alghan döletlerni qollaydighanliqini, ular bilen hemkarlishidighanliqini tekitlidi.
xitay bash elchisi firansiye téléwiziyesi TF1 ning ziyaritini qobul qilghanda: «sabiq sowét ittipaqi jumhuriyetliriningmu xelqara qanunda orni yoq. ularning igilik hoquqluq dölet salahiyiti xelqaraliq kélishim arqiliq konkrétlashturulmighachqa, xelqara qanunda paal salahiyiti yoq» dégenidi.
yawropa ittipaqi we bashqa bir qisim döletler xitay bash elchisining sözlirini qattiq tenqid qilghanidi.
