finlandiye natogha eza bolghandin kéyinki tunji manéwirini ishqa ashurdi
finlandiye gérmaniye we portugaliye paraxotlirining simwolluq halda xélsinki portigha lengger tashlishi bilen bir shimaliy atlantik ehdi teshkilati – nato ezasi süpitidiki tunji manéwirini tamamlighanliqini élan qildi.
türkiye awazi radiyosi xewiri: finlandiye déngiz armiyesi bayanat élan qilip, gérmaniyening FGS méklénburg- worpommérn we portugaliyening NRP bartoloméyo diyas qoghdighuchi paraxotlirining 16-aprélghiche paytext xélsinkida turidighanliqini bildürdi.
paraxotlar xélsinki portigha lengger tashlashtin ilgiri, finlandiye déngiz qirghiqi filotining finlandiye qoltuqida üch finlandiye paraxoti bilen ötküzgen manéwirgha qatnashti.
shundaq qilip, finlandiye nato ezasi süpitidiki tunji manéwirini tamamlighan boldi.
türkiyening finlandiyening nato ezaliqini maqullighanliqigha dair höjjetni 1949 – yilidiki shimaliy atlantik ehdinamsining qoghdisi bolghan amérika qoshma ishtatlirigha tapshurushidin kéyin, 4- aprél natoning 31 – ezasi süpitide teshkilatqa resmiy qoshulghanidi.