shiwétsiye saqchiliri quran kerimni köydürüsh ighwagerchilikige naraziliq bildürdi
shiwétsiye saqchiliri shiwétsiye memuriy sot mehkimisining quran kerimni köydürüsh ighwagerchilikige ruxset qilish qararigha naraziliq bildürdi.
türkiye awazi radiyosi xewiri: stokholm saqchi idarisining bildürüshiche, shiwétsiye saqchiliri féwral éyida quran kerimni köydürmekchi bolghan ikki kishige saqchilarning bixeterlik xewipi sewebidin ruxset qilmighan qararini bikar qilghan memuriy sot mehkimisining qararigha naraziliq bildürgen.
bayanatta mundaq déyilgen: «4-aprél küni, shiwétsiye memuriy sot mehkimisi saqchilarning quran kerimni köydürüsh üchün ikki qétimliq yighilishqa ruxset qilmasliqini adaletsizlik dep qaridi. saqchi terep bolsa sotning qararini tekshürdi we bu qararni bikar qilishi üchün yuqiri sot mehkimisige iltimas sundi.»
shiwétsiyede féwral éyida iraqta tughulghan salwan momika iraqning stokholm elchixanisi aldida, qara tenlik kiris makondut bolsa türkiyening stokholm elchixanisi aldida quran kerimni köydürüshke urunghan, saqchilar bixeterlik sewebidin bu ighwagerchiliklerge yol qoymighanidi.
momika bilen makondut quran kerimni köydürüshke yol qoymighan saqchilar üstidin sot mehkimisige erz sunghanidi.
shiwétsiye memuriy sot mehkimisi saqchilarning «bixeterlik xewipi endishiliri» sewebidin namayish qilishni cheklesh hoquqi yoqluqini ilgiri sürüp, saqchilarning quran kerimni köydürüsh ighwagerchilikige yol qoymasliq qararini bikar qilghanidi.
