baydin makron we charlis III bilen körüshti
amérika pirézidénti jo baydin xitayni ziyaret qilish aldida turuwatqan firansiye pirézidénti émmanuél makron bilen söhbetleshti.
türkiye awazi radiyosi xewiri: aqsaray pirézidént jo baydinning pirézidént émanuél makron bilen ötküzgen téléfon söhbiti heqqide bayanat élan qilip: «rehberler pirézidént makronning yéqinlishiwatqan xitay xelq jumhuriyiti ziyaritini muzakire qildi hemde rusiyening dawamlishiwatqan tajawuzchiliqigha qarshi ukrainani qetiy qollaydighanliqlirini qayta tekitlidi» dégenlerni qeyt qildi.
aqsaray yene, pirézidént jo baydinning engiliye padishahi charliz III bilenmu körüshüp, ikki dölet we ularning xelqliri otturisidiki qoyuq munasiwetni tekitligenliki we padishah charlézni yéqinlishiwatqan textke olturush murasimi munasiwiti bilen tebrikligenlikini uqturdi.
repiqisi jil baydinning amérikagha wakaliten murasimgha qatnishishni teqezzaliq bilen kütüwatqanliqini tilgha alghan baydinning, kéyinche padishah bilen engiliyede körüshüshni xalaydighanliqini éytqanliqi bildürüldi.
