yemende bir aydila 3316 mina we  partlatquchlar tazilandi

türkiye awazi radiyosi xewiri: yemenning resmiy xewer agéntliqi «SABA» ning xewer qilishiche, seudi erebistan bashlighan «mina tazilash layihesi» (MASAM) ramkisida, iranning qollishi astidiki xusiylar teripidin orunlashturulghan mina we partlatquchlarni tazilash xizmiti dawamlashmaqta.

mart éyida élip bérilghan xizmetler dairiside, yemenning oxshimighan rayonliridiki 516 kiwadrat kilométirliq jaydin 3316 mina we partlatquch tazilanghan bolup, 2018 – yilidin buyan yemende jemiy 383 ming 22 mina we partlatquch tazilanghan.

xewerde, «mina tazilash layihesi» (MASAM)  dairiside, yemende 45 milyon 367 ming kiwadrat métirliq jayning partlatquchlardin tazilanghanliqi bildürüldi.

yemen hökümiti we kishilik hoquq doklatigha asaslanghanda, iranning qollishi astidiki xusiylar 2014-yili ichki urush bashlanghandin buyan memliket miqyasigha 2 milyongha yéqin mina orunlashturghan. bu minalar minglighan puqralarning ölüshige yaki yarilinishigha seweb bolghan.

kishilik hoquq teshkilatlirining mölcherlishiche, yemende köpinchisi ayallar we balilar bolup,  8000 din artuq kishi minalarning ziyankeshlikige uchrighan.