firansiyediki namayishlarda 113 kishi tutuldi
firansiyede pénsiye islahati qanunining qobul qilinishi bilen oxshimighan sheherlerde partlighan namayishlarda 113 kishi qolgha élindi.
türkiye awazi radiyosi xewiri: firansiyede hökümetning pénsiye islahati qanunini qobul qilishi bilen oxshimighan sheherlerde partlighan namayishlarda, saqchilar we namayishchilar otturisida pat-pat sürkiliishler yüz berdi.
parizhdiki namayishchilar saint –laza poyiz istansisi, jumhuriyet we bastillé meydani qatarliq jaylarda yighildi. namayishchilarning köpchilikini yashla teshkil qildi.
namayishchilar taziliq ishchilirining ish tashlishi sewebidin texminen ikki heptidin buyan paytext kochilirida toplinip qalghan exlet sanduqlirini örüp, exletlerge ot qoyup berdi.
firansiyye taratquliridiki xewerlerde bildürülishiche, parizhda hazirghiche 113 namayishchi tutulghan.
öktichilerning pénsiye islahati toghrisida hökümetke qarshi parlaméntqa sunghan ikki teklipi ret qilinghan we islahat qanun teklipi qobul qilinghan idi.
pénsiye yéshini tedrijiy halda 62 din 64 ke chiqiridighan islahat bilen, bir kishi 2027-yili pénsiye maashini toluq alalishi üchün 43 yil boyiche sughurtasini töligen bolushi kérek.
