iranda qiz oqughuchilarning zeherlinishining arqisida néme bar?

türkiye awazi radiyosi xewiri: iranning oxshimighan ishtatliridiki mekteplerde texminen üch aydin buyan yüz bériwatqan kolléktip zeherlinish weqeliri tekshürülüwatqan bir waqitta, nurghun sheherlerde onlarche qiz oqughuchining zeherlengenliki bildürüldi.

iranning shimaliy xurasan, pars, rezewi xurasan, ispahan we xuzistan ishtatlirida yéngi zeherlinish weqeliri körüldi.

mesul dairiler, bojnurd shehiridiki ikki mektepning 46 qiz oqughuchisining zeherlinish alametliri bilen doxturxanilarda dawalash astigha élinghanliqini élan qildi.

oqughuchilarda köngli élishish, maghdursizlinish we bash qiyish alametlirining körülgenlikini, emma ehwalining yaxshi ikenliki qeyt qilindi.

pars ishtatining shiraz we serwistan sheherliridimu 24 oqughuchi oxshash késellik alametliri bilen doxturxanilarda dawalash astigha élinghan.

ilam ishtatining eywan, ispahan ishtatining qashan, rezewi xurasan ishtatining meshhed we xuzistan ishtatining ahwaz sheherliridimu onlarche oqughuchi oxshash késellik alametliri bilen doxturxanilarda balnistqa élinghan.

xuzistan ishtatining alte shehiride hazirghiche 700 qiz oqughuchining zeherlengenliki, 200 oqughuchining közitish astigha élinghanliqi qeyt qilindi.

iranda 2022-yili 30-noyabirdin tartip mekteplerde yüz bériwatqan kolléktip zeherlinish weqeliri diqqet qozghimaqta.

mesul dairiler, sewebining néme ikenliki hazirghiche éniq élan qilinmighan zeherlinish weqeliri toghrisida «zeherlik maddida N2  gazi bayqaldi» dep bayanat élan qilish bilen kupayilengen idi.

öktichi partiyelerning ilgiri sürüshiche, weqelerning keynide ayallarni asas qilghan mehsa emini namayishlirining intiqamini élishni meqset qilghan iran hakimiyiti ichidiki bezi radikal guruppilar bar iken.

téhran hökümitige yéqin menbeler bolsa, weqelerning keynide xelqni hökümetke qarshi küshkürtmekchi bolghan  guruppilarning barliqini lilgiri sürmekte.