makron afriqa istratégiyesini jakarlidi

türkiye awazi radiyosi xewiri: firansiye pirézidénti makron 1-marttin 5-martqiche afriqadiki töt döletni ziyaret qilishtin ilgiri élsiy sariyida bayanat élan qilip, firansiyening yéngi afriqa istratégiyesini jakarlidi.

u firansiyening afriqadiki herbiy bazilirida bir burulush nuqtisi hasil qilidighanliqlirini we bu arqiliq dölitining afriqadiki obrazini özgertishni, firansiyege öchmenlik qilidighanlar bahane süpitide paydilinidighan «ötmüshning mirasidin yiraqlishish» ni xalaydighanliqlirini bildürdi.

u kéyiki heptilerde afriqaning medeniyet bayliqlirini afriqagha qayturup bérish ramka qanunining medeniyet ministiri teripidin parlaméntqa sunulidighanliqini bildürüp, buning téximu keng ramka we yawropa paydilinidighan usul bolushini ümid qilidighanliqlirini qeyt qildi.

firansiye 2014-yildin tartip malida turuwatqan herbiy qisimlirining «barxan» herikitini, bamako hökümitining parizh bilen bolghan munasiwitining yiriklishishi sewebidin 2022-yili 6-aydin bashlap axirlashturushqa mejbur bolghan we barliq eskerlirini bu dölettin chékindürgen idi.

burkina fasodiki herbiy hökümet 23-yanwar (2023) özlirining firansiye bilen bolghan herbiy hemkarliqni emeldin qaldurghanliqini jakarlighandin kéyin, parizh 2009-yildin bashlap bu döletke «sabre herbiy herikiti» ramkisida orunlashturghan barliq eskerlirini 2023-yili 19-féwral chékindürüshke mejbur bolghan idi.