shimaliy koréyening yer asti atom sinaq merkizi xitay puqralirighimu tehdit élip kélidiken

türkiye awazi radyosi xewiri: jenubiy koréye yerlik metbuatlirining xewerlirige asaslanghanda, merkizi paytext séulgha jaylashqan kishilik hoquq guruppisi teripidin élan qilinghan doklatta, rayondiki milyonlighan kishiler ishletken su menbesining punggiy ri atom sinaq  qilish merkizidin tarqilidighan radiyaktipliq maddilarning tesirige uchrawatqanliqi bildürüldi.

doklatta, sinaq qilish merkizining etrapidiki milyonlighan kishini öz qoynigha alghan sekkiz sheher we yézigha tehdit shekillendürüwatqanliqi, déhqanchiliq we béliqchiliq mehsulatliri sewebidin koréye, yaponiye we xitaydiki milyonlighan ammighimu tehdit élip kélidighanliqi otturigha qoyuldi.

doklatta, tetqiqat netijisining yadro we tibbiy mutexessislerning tetqiqatliri bilen birleshken döletler teshkilati jenubiy koréye hökümitining istixbarat menbelirini asas qilghanliqi uqturuldi.

kishilik hoquq guruppisining rehbiri we tetqiqatchisi jenubiy koréyelik xubért yang-xwan li tetqiqat netijisining muhimliqini tilgha élip: «bu doklat shimaliy koréye yadro sinaqlirining shimaliy koréye xelqigila emes, belki qoshna dölet xelqliriningmu yashash hoquqi we saghlamliqigha tehdit élip kélidighanliqini körsitip bérishi nuqtisidin intayin muhim» dédi.