méksikada <popokatépétl> yanar téghi partlashni dawamlashturmaqta
méksikada yéqinqi 24 saet ichide yanar téghida 7 qétim partlash yüz berdi.
türkiye awazi radyosi xewiri: méksika döletlik apetning aldini élish merkizi (CENAPRED) teripidin élan qilinghan bayanatta, yéqinqi 24 saet ichide popokatépétlda 7 qétim partlash hemde 149 qétim gaz we kül pürküsh weqesi yüz bergenliki bildürüldi.
bayanatta, yanar taghning éghizidin chiqqan küllerning hawagha ariliship, shamalning tesiride shimalgha tarqalghanliqi, döletning shimalidiki olturaq rayonlarda yénik kül yéghishi mölcherliniwatqanliqi uqturuldi.
eng axiriqi qétim 18-féwralda 7 qétim partlash yüz bergen bu yanar taghda, aldinqi qétim 13-féwraldimu jemiy 18 qétim partlash yüz bergen idi.
yéqinqi partlashlarni qoshqanda <popokatépétl> yanar téghi bu yil jemiy 136 qétim partlidi.
popokatépétl yanar téghining heriketliride bir yildin köprek waqittin buyan éshish körülgen we bultur 113 qétim partlash yüz bergen bolup, mutexessislerning qarishiche, bir qanche yil ichide chong partlash yüz bérishi mölcherliniwatqan yanar taghlar arisida <popokatépétl> yanar téghi beshinchi orunda turidiken.
