tajikistandiki qar köchüsh weqeliride qaza qilghanlar sani 17 ge yetti
tajikistan jiddiy ehwallar komitéti bayanat élan qilip, tajikistandiki qar köchüsh weqeliride qaza qilghanlar sanining 17 ge yetkenlikini uqturdi.
türkiye awazi radiyosi xewiri: tajikistan jiddiy ehwallar komitéti bayanat élan qilip, yéqinqi künlerde döletning taghliq rayonlirida yüz bergen qar köchüsh weqeliride, 16 nepiri bedexshan aptonom rayonida, biri paytext düshenbige yéqin yerdiki warzob – düshenbe tashyolida bolup, jemiy 17 kishining qaza qilghanliqini uqturdi.
yéqinqi künlerde 100 ge yéqin qar köchüsh weqesining yüz bergenliki we xeterning yenila dawam qiliwatqanliqi tekitlengen bayanatta, izdesh we qutquzush etretlirining apet rayonidiki xizmetlirini dawamlashturuwatqanliqi qeyt qilindi.
bayanatta, paytext dushenbe bilen döletning shimalini tutashturidighan dushenbe-chanak tashyolini öz ichige alghan bir qisim tashyollarning qar köchüsh sewebidin qatnashqa taqalghanliqigha isharet qilindi.
tajikistan dairiliri tünügün (16-féwral) bayanat bérip, döletning taghliq rayonlirida qar köchüsh weqeliri yüz bérip, 13 kishining qaza qilghanliqini, 12 kishining yarilanghanliqini, apette töt öyning pütünley weyran bolghanliqini, 35 turalghu, besh séx hemde rayonning ul- eslihelirining éghir ziyangha uchrighanliqini uqturghanidi.
