amérika awam palatasida «yuqum axirlashti» namliq qanun layihesi qobul qilindi

türkiye awazi radiyosi xewiri: amérika jumhuriyetchiler partiyesi ezaliri köp sanliqni igileydighan awam palatasida, «19-kowid» yuqumi sewebidin 2020 - yili donald trampning pirézidéntliq dewride élan qilinghan «ammiwi saghlamliq jiddiy haliti» ni derhal axirlashturushni nishan qilghan qanun layihesi awazgha qoyuldi.

«yuqum axirlashti» namliq bu qanun layihesi ,210 ret awazgha qarshi 220 qollash awazi bilen qobul qilindi.

jumhuriyetchiler partiyesi awamning salametlikige munasiwetlik yuqum bilen birlikte bashlanghan waksina emlesh we maska taqash mejburiyiti qatarliq bir qatar belgilimilerge qarshi chiqip kéliwatqan bolup, amérika pirézidénti jo baydinning bultur «19-kowid yuqumi axirlashti» dep bayanat élan qilghanliqini asas qilghan halda, bu qanun layihesini küntertipke élip kelgen idi.

aqsaray bashqurush we xamchot ishxanisi tünügünki (31-yanwar) bayanatida, «19-kowid» sewebidin «döletlik jiddiy halet» we «ammiwi saghlamliq jiddiy haliti» ning, sehiye sistémisidiki qalaymiqanchiliq hemde éniqsizliqning aldini élish üchün 11 - mayda (2023) békar qilinidighanliqini élan qilghan idi.

mezkur qanun layihesining démokratchilar köp sanliqni igileydighan kéngesh palatasida maqullinishidin ümid yoq. pirézidént baydin eger kéngesh palatasidimu maqullanghan teqdirde bu qanun layihesini ret qilidighanliqini élan qilghan idi.