piyongyangda waqitliq karantina élan qilindi

türkiye awazi radiyosi xewiri: shimaliy koréyeni yéqindin közitip kéliwatqan jenubiy koréye paytexti séuldiki NK News xewerler tori, karantin uqturushida kowid-19 yuqumining tilgha  élinmighanliqini, rayon ahalisining düshenbe (30-yanwar) künigiche öyliridin chiqmay, qerellik halda qizimtilirini ölchep turushlirining telep qilinghanliqini xewer qildi.

xewerde, piyongyang ahalisining téximu küchlük aldini élish tedbirlirining yolgha qoyulushidin ensirep, öylirige lazimetlik nersilerni ekiriwalghanliqi qeyt qilindi.

shimaliy koréye 2022 – yili tunji qétim kowid-19 yuqumining barliqini étirap qilip, awghust éyigha kelgende wirusni yenggenlikini jakarlighanidi.

yuqum tekshürüsh üsküniliri kemchil bolghan shimaliy koréye, hazirghiche qanche kishining wirustin yuqumlanghanliqi toghrisida héchqandaq sanliq melumat élan qilmidi.