kongodiki toqunushlarda yéqinqi 6 hepte ichidila 200 din artuq puqra qaza qildi
kongo démokratik jumhuriyitidiki toqunushlar sewebidin yéqinqi alte hepte ichide 200 din artuq puqraning jénidin ayrilghanliqi bildürüldi.
1937508
türkiye awazi radiyosi xewiri: birleshken döletler teshkilati musapirlar aliy komissarliqi (UNHCR) bayanatchisi éwjin byun kongo démokratik jumhuriyitining sherqidiki toqunushlar sewebidin yéqinqi alte hepte ichide 200 din artuq puqraning jénidin ayrilghanliqi heqqide uchur hembehirlidi.
puqralargha qaritilghan hujumlarning qoralliq guruppilar teripidin élip bérilghanliqini tilgha alghan bayanatchi biyun, hujumlarning ituri we shimaliy kiwu rayonigha merkezleshkenlikini eskertti.
u hujumda 2 minggha yéqin öyning weyran qilinghanliqini, 80 mektepning taqalghanliqini uqturdi.
u yene, toqunush sewebidin bulturgha (2022) qeder jemiy 500 minggha yéqin kishining rayondin köchüshke mejbur bolghanliqini eskertti.
