latwiye rusiye xewerler tori «sputnik»ning litwa shöbisi bash muherririni qolgha aldi

türkiye awazi radiyosi xewiri: marat qasimning adwokati imma janson sot mehkimisidin zhurnalistni képillikke qoyup bérishni telep qilghan bolsimu, mehkime zhurnalistni dawamliq tutup turushqa höküm qildi.

zhurnalist marat qasim peyshenbe küni riga merkizi türmisige yötkeldi.

u latwiye puqrasi bolup, bir qanche yildin buyan rusiye paytexti moskwada yashap, rusiyening sputnik litwa shöbisinimu öz ichige alghan ségodniya axbarat guruppisida ishlewatqan bolup, rodzhéstiwa bayrimidin ilgiri latwiyege qaytip kelgenidi.

rusiye tashqi ishlar ministirliqi bayanatchisi mariya zaxarowa, marat qasimning qolgha élinishigha latwiyening xelqara pikir erkinlikini qoghdash wedisige xilapliq qilishi dep baha bérip, moskwaning qasimning qoyup bérilishini qolgha keltürüsh üchün xelqaraliq teshkilatlardin yardem soraydighanliqini bildürdi.