ispaniye suni normiliq ishlitishke ötti
ispaniyening kataloniye aptonom rayonida su qisliqi yüz bermekte.
türkiye awazi radiyosi xewiri: kataloniye aptonom rayonida aylarche dawamlashqan qurghaqchiliq sewebidin zapas su nisbiti %30 ge chüshüp qaldi.
rayonda yashaydighan 6 milyon 700 ming kishi su yétishmeslikning selebiy tesirige uchrimaqta.
kataloniye hökümiti qurghaqchiliqqa taqabil turush üchün normiliq su belgilimisini yolgha qoyidighanliqini élan qildi.
buninggha asaslanghanda, ishlitilidighan su miqdarini déhqanchiliqta %5, baqmichiliqta %10, sanaet rayonlirida %5 ge chüshürgen.
kataloniye hökümiti ahalilerning ishlitidighan suyige hazirche cheklime qoymaydighanliqini élan qildi.
lékin baghni sughirish heptide ikki qétimdin éship ketmesliki, ahalilerge bérilidighan suning mashina yuyush we kölcheklerni toldurushqa ishlitilmesliki telep qilindi.