élon mask donald trampning taqiwitilgen twittér hésabini achidighan boldi
élon mask sabiq amérika pirézidénti donald trampning taqiwitilgen twittér hésabini qayta achidighan boldi.
türkiye awazi radiyosi xewiri: ijtimaiy alaqe supisi twittérning yéngi xojayini élon mask, 2021 - yili 6 - yanwarda yüz bergen palatagha bésip kirish weqesidin kéyin taqiwitilgen donald trampning twittér hésabining qaytidin échilidighanliqini élan qildi.
élon mask 18 - noyabir «tirampning hésabini qayturup bérish kérekmu?» dégen soal bilen tiwittérda ray sinash bashlidi.
élon mask ray sinash netijisini élan qilip, %52 abontning «hee» dep bélet tashlighanliqini bildürdi.
élon mask: «xelq sözini qildi, tramp qaytip kélidu» dégen uchurni hembehirlep, «xelqning awazi, tengrining awazidur» dégen menini bildüridighan latinchidiki «Vox Populi, Vox Dei» dégen sözni ishletti.
twittér 2021 - yili 6 – yanwarda yüz bergen palatagha bésip kirish weqesidin kéyin, 2021 - yili 9 - yanwarda sabiq amérika pirézidénti donald trampning hésabini menggülük tonglatqanliqini élan qilghan idi.