putin  zaporozhya yadro éléktir istansisini igiliwélish toghrisidiki qararnamini imzalidi

türkiye awazi radiyosi xewiri: kirémil sariyining intérnét tor bétide élan qilinghan qararnamide, zaporozhya yadro éléktir istansisini xizmetke kirishtürüshke ijazet bérilidighanliqi, bu yadro éléktir istansisining rusiyege tewe bolidighanliqi we bu heqte rusiye hökümitige yolyoruq bérilgenliki bildürüldi.

igilinishiche, ukrainaning sherqiy jenubiy qismigha jaylashqan  zaporozhya yadro éléktir istansisi, yawropa boyiche eng chong yadro éléktir istansisi hésablinidiken.

6 yadro réaktorigha ige we éléktr énérgiyesi sighimi 5700 mégawatqa yétidighan bu yadro éléktir istansisi, ukrainadiki omumiy tokning 20 pirsentini teminleydiken.

zaporozhya yadro éléktir istansisi, 4 – mart küni ruslarning qoligha ötüp ketkenidi.