rusiye yaponiye konsulini tutqun qildi

türkiye awazi radiyosi xewiri:rusiye fédératsiye xewpsizlik idarisi yaponiyening wladiwostok konsuli motoki tatsunorining tutulghanliqi toghrisida bayanat élan qildi.

bayanatta: «yaponiyening wladiwostok konsuli motoki tatsunori <rusiyening bir asiya-tinch okyan döliti bilen hemkarliq ornitish we gherbning émbargo siyasitining primorskiy rayonidiki iqtisadiy weziyetke körsitidighan tesirliri> heqqide tarqilishi cheklik bolghan uchurlarni pul bérip sétiwéliwatqanda tutuldi» déyildi.

rusiyening moskwadiki yaponiye elchixanisigha weqege munasiwetlik naraziliq xéti tapshurghanliqi eskertilgen bayanatta, konsul motoki tatsunorining diplomatik salahiyetke xilap heriket qilghanliqi sewebidin «qarshi élinmaydighan kishi» élan qilinghanliqi qeyt qilindi.