iranda namayishlarda onlarche kshi hayatidin ayrildi
22 yashliq mahsa éminning «hijab qaidisige emel qilmighan» dégen seweb bilen qolgha élinip ölüp kétishidin kéyin bashlanghan namayishlarda hazirghiche 35 kishi hayatidin ayrildi.
türkiye awazi radiyosi xewiri: paytext téhranda 13 – séntebir küni «exlaq saqchisi» dep atalghan irshad charlash etriti teripidin qolgha élinghandin kéyin hoshidin ketkenliktin doxturxanigha orunlashturulghan mahsa éminning 16-séntebir ölüp kétishi seweblik bashlanghan namayishlarning dairisi, ammiwi taratqulargha asaslanghanda, döletning köpligen wilayetliri, nahiyeliri we yéza – qishlaqlirighiche kéngeygen.
gerche iran dairiliri namayish jeryanida hayatidin ayrilghanlar toghrisida éniq melumat bermigen bolsimu, emma döletlik téléwiziye qanilining xewiride, gheyriy resmiy sanliq melumatlargha qarighanda, hazirghiche dölet xewpsizlik xadimlirinimu öz ichige alghan 35 kishining hayatidin ayrilghanliqi, ölgenler sani heqqide resmiy dairiler teripidin bayanat élan qilinidighanliqi bildürülgen.
