ayal padishah 2-élizabétning depne murasimigha üch dölet teklip qilinmidi

türkiye awazi radiyosi xewiri: engliye p a (PA) agéntliqining hökümettin alghan menbelirige asaslanghanda, ayal padishah 2-élizabétning depne murasimigha, rusiye, bélarusiye we birma teklip qilinmighan, iran bolsa, bash elchi sewiyeside teklip qilinghan.

96 yéshida alemdin ötken ayal padishah 2-élizabétning depne murasimigha, dunyaning her qaysi jayliridin kelgen texminen 500 yuqiri derijilik emeldarning qatnishishi perez qilinmaqta.

politiko (Politico) tor bétining xwiride körsitilishiche, tashqi ishlar wazariti 8-séntebir alemdin ötken ayal padishah 2-élizabétning 19-séntebir ötküzülidighan resmiy depne murasimining qandaq bolidighanliqi toghrisida her qaysi döletlerdiki elchixanilargha melumat yollighan.

murasim wéstminstér abbéy chérkawida ötküzülidighan bolup, kishilerning intayin köp bolushi sewebidin, murasimgha qatnishidighan dölet we hökümet bashliqlirining ayali yaki yoldishigha oxshash bille bolidighan bir kishi üchün orun ajritilidiken. murasimgha, rehberler bilen bille bolidighan yaki ailisidin bashqa her qandaq kishining qatnishishi meni qilinidiken. rehberler qatnishalmighan ehwalda, ulargha wakaliten ministir derijilik bir kishi qatnashsa bolidiken.

ayal padishah 2-élizabét 8-séntebir (peyshenbe) dem éliwatqan shotlandiyediki balmoral qeleside alemdin ötken idi. uning depne murasimi 19-séntebir (düshenbe) paytext londondiki wéstminstér abbéy chérkawida ötküzülidu. murasimdin kéyin, méyiti engliye xan jemetining turalghuliridin biri bolghan windsor qelesidiki (Windsor) sayint jorj qebristanliqigha depne qilinidu.