b d t xelqara jemiyetni somaligha jiddiy yardem bérishke chaqirdi

türkiye awazi radiyosi xewiri: birleshken döletler teshkilati somali alahide wekili jeyms swan, somalida ötküzülgen yighindin kéyin bergen bayanatida, somalidiki qurghaqchiliq we ashliq kirizisi heqqide toxtilip mundaq dédi: «barliq alaqidar tereplerni somalidiki ashliq kirizisige taqabil turush üchün bu döletni jiddiy éhtiyajliq meblegh bilen teminlishke chaqirimen.»

yighinda yene, somalining bixeterlik ehwali we qoralliq teshkilatlargha qarshi kürishi toghriliqmu muzakire élip bérilghanliqini eskertken swan, bu dölettiki ashliq kirizisining eng köp ayallar we balilargha tesir körsitiwatqanliqinimu sözlirige ilawe qildi.

birleshken döletler teshkilati ashliq we yéza igilik teshkilatining sanliq melumatigha asaslanghanda, somalining % 80 ti éghir qurghaqchiliqqa duch kelmekte iken.

somali hökümiti, barghanséri éghirlishiwatqan qurghaqchiliq apiti sewebidin, bultur 23 – noyabir küni, pütün memliket miqyasida «jiddiy halet» élan qilghanidi.

dunya sehiye teshkilatimu, somalidiki insaniy tiragédiye sewebidin, xelqara jemiyetni bu döletke jiddiy yardem bérishke chaqirghanidi.