antoniyo gutérrés birmadiki rohinga musulmanliri üstide mexsus toxtaldi
b d t bayanatchisi stéfan dujarikning bayanatigha asaslanghanda, gutérrés birmada rohinga musulmanlirini keng kölemlik tazilash herikiti bashlanghan 2017-yili 24 – awghust xatire küni üstide mexsus toxtalghan.
türkiye awazi radiyosi xewiri: birleshken döletler teshkilati (b d t) bash katipi antoniyo gutérrés birmada 2021-yili 1 - féwralda saylanghan hökümetni aghdurup tashlighan herbiy hökümetni dölettiki siyasiy kirizisni hel qilish üchün rohinga musulmanlirinimu qatnashturushqa chaqiriq qildi.
antoniyo gutérrés buddistlarning nopusi zich bolghan birmada rohinga musulmanlirining keng kölemlik ayrimchiliqqa uchrawatqanliqini eskertti.
u herbiy özgirishtin kéyin birmadakishilik hoquq we bixeterlik weziyitining nacharlashqanliqini bildürüp, rohinga musulmanlirining birma kirizisini hel qilishning ayrilmas tebiiy bir qismi bolushi kéreklikini tekitlidi.
u yene: «xelqara jemiyetning kirizisni etrapliq, puxta we keng dairilik hel qilish charisi tépish üstide izdiniwatqanliqi intayin muhim» dédi..
