<pégasus> namliq jasusluq yumshaq détalini ijad qilghan israiliyelik emeldar istépa berdi
israiliyede namliq jasusluq yumshaq détalini ijad qilghan guruhining bash ijraiye emeldari shaléw xuliyoning xizmitidin istépa bergenliki bildürüldi.
türkiye awazi radiyosi xewiri: israiliyening «The Times of Israel» gézitining xewer qilishiche, <NSO> guruhi shirketning bash ijraiye emeldari shaléw xuliyoning xizmitidin istépa bergenlikini we uning ornigha shirketning tijaret diréktori yaron shoxatning waqitliq teyinlengenlikini élan qilghan.
xewerde, ismini ashkarilashni xalimighan bir shirket emeldari bu heqte toxtilip, <NSO> guruhining qayta teshkillesh basquchigha kirgenlikini we bu dairide shirketning %13 xizmetchisidin teshkil tapqan 100 xadimning ishtin boshitilidighanliqi bayan qilghan.
israiliye tor bixeterlik shirkiti <NSO> guruhi teripidin ijad qilinghan pégasus namliq jasusluq yumshaq détalining dunyaning herqaysi jaylirida ishletküchilerning téléfon söhbetlirini mexpiy tingshash, awaz xatirilesh, éléktronluq xetlerni nazaret qilish we téléfondin resimge tartish qatarliq jasusluq paaliyetlirige ishlitilidighanliqi ashkarilanghan idi.
israiliyening «xarétz» gézitidiki xewerlerge asaslanghanda, ezerbeyjan, salwador, firansiye, engliye, polsha, wéngiriye, hindistan, qazaqistan, riwanda, marakesh, seudi erebistan, ereb birleshme xelipiliki pelestin we iyordaniyediki nurghun kishiler pégasus jasusluq yumshaq détali arqiliq nazaret qilinghan.