zélénskiy tinchliq söhbitining shertini tekitlidi
ukraina pirézidénti wolodimir zélénskiy rusiye armiyesi ukrainadin chékinmey turup, tinchliq muzakirelirining bashlinishining mumkin emeslikini éytti.
türkiye awazi radiyosi xewiri: ukraina pirézidénti wolodimir zélénskiy lwiw shehiride türkiye jumhur reisi rejep tayyip erdoghan we b d t bash katipi antoniyo gutérs bilen birlikte ötküzülgen axbarat élan qilish yighinida, muhim bayanatlarni élan qildi.
u türkiye jumhur reisi rejep tayyip erdoghan we b d t bash katipini kütüwalghanliqidin intayin memnun bolghanliqini bildürüp: «bolupmu ukrainaning zémin pütünlüki we igilik hoquqini qollighanliqliri üchün bash katip gutérs we jumhur reis rejep tayyip erdoghangha teshekkür éytimen. rusiye ukrainagha qarshi térrorluq qiliwatidu, rusiyege ishenmeymiz, rusiye her küni sheherlirimizge hujum qiliwatidu, tinchliq söhbitining bashlinishi üchün rusiye aldi bilen ishghal qiliwalghan zéminlirimizdin chékinishi kérek, andin uni oylishimiz» dédi.
