iraqta dölet tüzümini özgertish chuqanliri kötürüldi

türkiye awazi radiyosi xewiri: iraqta «sadir herikiti» ning rehbiri shie muqteda essadir xewpsizlik küchliri, hashdi shabi we qebililerdiki qollighuchiliridin yéshil rayonda ötküzülgen olturuwélish namayishigha qatnishishni telep qildi.

u asasiy qanunning özgertilishini, parlaméntliq tüzümdin waz kéchishni chaqiriq qildi. emma, qandaq tüzümni telep qilidighanliqini bildürmidi.

muqteda essadirning chaqiriqidin kéyin, uning yüzlerche qollighuchisi yéshil rayongha qarap méngishqa bashlidi. uning qollighuchiliri tünügün (31-iyul) irangha yéqinliqi bilen bilinidighan muhemmed shiya essudanigha qarshi namayish ötküzüp, bir hepte ichide ikki qétim bésip kirgen yéshil rayondiki parlamént binasida, muddetsiz olturuwélish herikitini bashlighan idi.