русийә: тәрәпләр ашлиқ келишимини йолға қойуш үчүн хизмәт ишләватиду
русийә муавин ташқи ишлар министирлиқи байанатчиси инван нечайев, тәрәпләрниң истанбулда имзаланған ашлиқ келишимини йолға қойуш үчүн зөрүр миханизмлар даирисидә хизмәт ишләватқанлиқини ейтти.
түркийә авази радийоси хәвири: иван нечайев, пайтәхт москвада торда өткүзүлгән ахбарат елан қилиш йиғинида, күндилик мәсилиләр һәққидә тохталғанда, мундақ деди: «алдинқи һәптә, түркийә, русийә, украина вә бирләшкән дөләтләр тәшкилати оттурисида ашлиқ келишими имзаланди. келишимниң әмәлий йолға қойулуши һәққидә сөз ечиш үчүн техи балдурлуқ қилиду. келишим имзаланғиниға техи бирқанчә күн болди. тәрәпләр келишимниң нишанлирини әмәлгә ашуруш үчүн барлиқ зөрүр механизмларни шәкилләндүрмәктә. биз келишимниң бәлгилимилиригә сасақәт билән риайә қилимиз. бирләшкән дөләтләр тәшкилатиниң сәмимий қоллиши вә хәлқара җәмийәтниң виҗданлиқ позитсийәсини өз ичигә алған башқа дөләтләрниң, болупму ғәрб дөләтлириниң иҗабий тәшәббуслири наһайити зор әһмийәткә игә.»
