firansiye qurghaqchiliqqa, wéngiriye yuqiri témpératuragha duch keldi

türkiye awazi radiyosi xewiri: firansiye taratqulirining xewerlirige asaslanghanda, dölettiki 95 rayonning 86 si qurghaqchiliqning tesirige uchrighan bolup, nurghun jaylar sériq we qizghuch renglik jiddiy ehwal sewiyesi ichidin orun alghan.

bildürülishiche, firansiyening ottura qismigha jaylashqan «sénchi wal dé loyir» (Centre-Val de Loire) we «péy dé la loyiz» (Pays de la Loire) rayonliri qurghaqchiliqning eng éghir tesirige uchrighan.

wéngiriyedimu yéqinqi yillardiki eng issiq yaz pesli körülgen bolup, kéchiliri hawa témpératurasi 25.4 giradusqiche chiqti.

wéngiriye métérologiye idarisining bayanatida, bügüngiche ölchengen hawa témpératurasi arxiplirida, 1894-yili 24-iyul ségéd shehiride kéchining eng yuqiri témpératurasining 24.6 giradus dep xatirilengenliki, tünügün (25-iyul) kéche paytext budapéshtta hawa témpératurasining 25.4 giradus bolghanliqi qeyt qilindi.

bügündin tartip (26-iyul) hawa témpératuralirining töwenleydighanliqi we bezi rayonlarda yamghur yéghishining texmin qiliniwatqanliqi eskertilgen bayanatta, kéyinki künlerde yene hawa témpératuralirining qayta yuqiri örleydighanliqi bildürüldi.