wuxen wirusi dunya miqyasida qaytidin köpiyishke qarap yüzlendi

türkiye awazi radiyosi xewiri: dunyada 2022-yili marttin bashlap aziyishqa bashlighan wuxen wirusi, iyun éyining ikkinchi yérimidin tartip qaytidin köpiyishke qarap yüzlendi.

dunya sehiye teshkilati élan qilghan heptilik doklatqa asaslanghanda, ötken hepte dunya miqyasida 5.7 milyon kishi wuxen wirusi bilen yuqumlanghan. bu reqem ilgiriki heptige sélishturulghanda %6 ashqan.

yuqumlinishning köpiyishige, omikron wariyantining tarqilishi téz bolghanBA.4  weBA.5 türlirining barghanséri köpiyishining seweb bolghanliqi texmin qilinmaqta.

dunya sehiye teshkilati yuqumlinish köpiyiwatqan bolsimu, wirusqa munasiwetlik ölüm weqelirining köpeymigenlikini bildürdi.

ötken hepte dunyada wirusqa munasiwetlik 9 ming 800 ölüm weqesi körülgen, emma bir ilgiriki heptige sélishturulghanda reqem oxshash bolghan.

rayonlar ara sélishturulghanda, wirusqa munasiwetlik eng köp weqe %28 lik nisbet bilen gherbiy tinch okyan rayoni we %25 lik nisbet bilen ottura sherqte körülgen. wirusqa munasiwetlik weqe afriqada %33, shimaliy we jenubiy amérikada %1 azayghan bolsa, sherqiy jenubiy asiyada %5, yawropada %4 ashqan.

wirusqa munasiwetlik heptilik ölüm reqemliri ottura sherqte %78, sherqiy jenubiy asiyada %23 ashqan bolsa, afriqada %17, gherbiy tinch okyanda 510, shimaliy, jenubiy we ottura amérikada %1 azayghan. yawroda bu san özgermigen.

amérika késelliklerni kontrol qilish we aldini élish merkizi (CDC) 13-iyul (2022) bayanat élan qilip, omikron wariyantiningBA.4 weBA.5türlirining dölet ichidiki wuxen wirusigha munasiwetlik weqelerde %80 tin artuqini igelleydighanliqini bildürgen idi.

bu xil weziyet dawamlashqan ehwal astida, dunyada küz aylirida wuxen wirusining yéngi dolqunining körülüsh mumkinliki perez qilinmaqta.

dunya sehiye teshkilatining bash katipi tédros adxanom ötken hepte élan qilghan bayanatida, wuxen wirusining dawamliq «yer shari xaraktérlik jiddiy ehwal» dep békitilidighanliqini uqturghan idi.