bangladéshtiki su apetliride qaza qilghanlar sani 73 ke yetti
bangladéshta uzundin béri dawamlishiwatqan höl – yéghin peyda qilghan su apitide yene besh ademning qaza qilghanliqi, shuning bilen jemiy qaza qilghanlar sanining 73 ke yetkenliki bildürüldi.
1848068
türkiye awazi radiyosi xewiri: döletning sherqiy shimalidiki surma deryasi qirghiqigha jaylashqan silxet shehiri su apitining eng éghir zerbisige uchrighan rayonlarning biri. silxet shehrining yuqiri derijilik hökümet emeldari muhemmed mojiburrahman, alaqe liniyelirining üzülüp qélishi we qatnashning qiyin bolushi sewebidin rayongha yardem yetküzüsh xizmetlirining rawan bolmaydighanliqini bildürdi.
u, silxetke 1400 tonna gürüch, 13 ming bolaq quruq yémeklik yardimi bilen texminen 3 milyon dollar neq pul yardimi ajritilghanliqini, mushuninggha oxshash yardemlerning kelkünning zerbisige uchrighan bashqa sheherlergimu bérilidighanliqini éytti.
