béngaldiki kelkünde 36 kishi hayatidin ayrildi
béngalning déngiz sewiyesidiki rayonlirida shiddetlik yamghur keltürüp chiqarghan kelkünde 36 kishi hayatidin ayrildi.
türkiye awazi radiyosi xewiri: sehiye mulazimet idarisining sanliq melumatlirigha asaslanghanda, silxét rayonining sherqiy shimalida 18 kishi, shimaliy we ottura mayménsingg rayonida 15 kishi, shimaliy rangpur rayonida 3 kishi qaza qilghan.
bu rayonlarda yéqinqi üch künde dawamlashqan kelkün sewebidin, 3000 din artuq kishi sudin kélip chiqidighan her xil késelliklerge giriptar bolghan.
kelkün apiti yüz bergen rayonlarda insanperwerlik krizisimu körülüshke bashlidi.
yémeklik we ichimlik su tarqitish xizmetlirige déngiz armiyesi bilen hawa armiyisi ezaliri qatnashti.
silxét rayonidila 56 ming géktar shal étizi ziyangha uchridi. bashqa yerlerdiki déhqanchiliq rayonlirimu éghir ziyan tartti.
kelkün yene tashyol we tömür yollirighimu éghir ziyan saldi.
