xitay paraxotliri yaponiye déngiz tewelikige kirdi
xitayning töt dane sahil bixeterlik herbiy paraxotining sherqiy déngizdiki talash-tartishliq sénkaku arallirining etrapida yaponiye déngiz tewelikige kirgenliki bildürüldi.
türkiye awazi radiyosi xewiri: yaponiye okinawa ishtati naha nahiyesige jaylashqan 11-rayon sahil bixeterlik qomandanliq merkizi xitay herbiy paraxotlirining yaponiye déngiz tewelikige kirgenliki toghrisida bayanat élan qildi.
bayanatta bildürülishiche, xitay paraxotliri shu yer waqti 10.40 ötkende yaponiye déngiz tewelikige kirgen bolup, utsuri arilining gherbiy jenubigha 25 kilométir kélidighan jayda, yeni yaponiye déngiz tewelikini öz ichige alghan talash-tartishliq rayonda yaponiye béliqchi paraxotlirigha yéqinlashqan.
bayanatta, xitay paraxotlirining yaponiye sahil bixeterlik paraxotlirining rayondin chiqip kétish toghrisidiki agahlandurushliri netijiside, rayondin ayrilghanliqi qeyt qilindi.
yaponiye n h k agéntliqi xitay paraxotlirining bu yil (2022) toqquz qétim yaponiye déngiz tewelikige kirgenlikini xewer qildi.
sherqiy déngizda, yaponiye «sénkaku», xitay «dyawyü» dep ataydighan taqim arallar, besh aral we üch qiyaliqtin terkip tapidu. adem yashimaydighan taqim arallar uzun waqittin buyan ikki dölet otturisida igilik hoquq talash-tartishlirigha seweb bolup kelmekte.
