sholz: urush acharchiliq xewpini peyda qilidu

türkiye awazi radiyosi xewiri: olaf sholz gérmaniyede dölet ishliri ziyaritide bolghan argéntina pirézidénti albérto férnandéz bilen körüshkendin kéyin ötküzülgen qoshma muxbirlarni kütüwélish yighinida: «ukraina - rusiye urushi pütkül dunya üchün (her xil) aqiwetlerni keltürüp chiqiridighan bir urush» dédi.

u, urush peyda qilghan yémeklik teminlesh zenjiridiki qalaymiqanchiliqlarni tilgha élip: «hazir énérgiye we yémeklik bahasi örlewatidu. dunya ashliq bixeterlikide muhim rol oynap kéliwatqan ukraina qatarliq döletlerning yémeklik yetküzelmeslikidin endishe qiliniwatidu. bu ehwal acharchiliq xewpinimu peyda qilidu» dégenlerni qeyt qildi.

argéntina pirézidénti férnandéz, latin amérikasining urush keltürüp chiqarghan aqiwetlerning derdini tartiwatqanliqini bayan qilip: «rusiyege qaritilghan jazalar rusiyegila emes, pütkül dunyagha her xil aqiwetlerni élip kélidu» dédi.

u, urushning yémeklik we énérgiye bahasini östürüwetkenlikige isharet qilip: «bu emdi shimaliy atlantik ehdi teshkilati — nato bilen rusiye yaki ukraina bilen rusiye otturisidiki bir mesile emes, bir dunyawi mesile. urush choqum toxtitilishi kérek» dégenlerni sözlirige ilawe qildi.