blinkén ilham eliyéw we pashinyan bilen körüshti

türkiye awazi radiyosi xewiri: amérika tashqi ishlar ministiri antoni blinkén ezerbeyjan pirézidénti ilham eliyéw bilen erméniye bash ministiri nikol pashinyan bilen körüshkende, «rayonda jiddiychilikni kücheytmeslik» we «tinchliq söhbetlirige ehmiyet bérish» ni chaqiriq qildi.

amérika tashqi ishlar ministirliqining yazma bayanatida, ministir blinkénning ezerbeyjan pirézidénti ilham eliyéw we erméniye bash ministiri nikol pashinyan bilen téléfonda ayrim-ayrim körüshkenliki bildürüldi.

bayanatta bildürülishiche, tashqi ishlar ministiri blinkén her ikki rehber bilen körüshkende, rusiyening ukrainagha qilwatqan hujumlirini eyibligenliklirini we bu ehwalni qobul qilghili bolmaydighanliqini éytqan.

u ezerbeyjan bilen erméniye otturisida sükütni buzmasliq, jiddiychilikni kücheytmeslik kéreklikini we diplomatiyeni ishqa sélishni tekitlep, eliyéw bilen pashinyangha «ikki dölet otturisidiki tinchliq söhbetlirige ehmiyet bérish» ni chaqiriq qildi.

u ezerbeyjan pirézidénti ilham eliyéw bilen erméniye bash ministiri pashinyan otturisida bügün (6-aprél) ötküzülüshi pilan qilinghan uchrishishning ehmiyitini tekitlep, amérikaning her ikki döletke diplomatik menide her qaysi mesililerde yardem qilishqa teyyar ikenlikini qeyt qildi.

u ötken heptidiki bayanatida, ezerbeyqan pirézidénti ilham eliyéwge imkaniyetning bériche eng qisqa waqit ichide erméniye bilen tinchliq kélishimi imzalishi kéreklikini bildürüp, «zémin pütünlüki we xelqaraliq chégralarning muqeddeslikini özara étirap qilish, arqidin chégralarni belgilesh asasida kawkazgha tinchliq kélidu dep oylaymen» dégen idi.

erméniye bash ministiri pashinyan keng dairilik tinchliq kélishimi muzakirelirini derhal bashlashqa teyyar ikenliklirini élan qilghan idi.