amérika qiteler ara bashqurulidighan bomba siniqini kéchiktürdi
amérika rusiyening yadro qorallirini heriketke keltürgendin kéyin, aldin pilan qilinghan yadro iqtidarigha ige minutéman 3- qiteler ara balistik bashqurulidighan bomba siniqini kéchiktürdi.
türkiye awazi radiyosi xewiri: amérika dölet mudapie ministirliqi bayanatchisi jon kirbi kündilik axbarat élan qilish yighinida, rusiye pirézidénti putinning ötken hepte axiri yadro qorallirini heriketke ötküzüsh permani chüshürgenlikini xatirilitip, amérikaning buni «xeterlik we mesuliyetsizlik» dep qaraydighanliqini bildürdi.
u mundaq dédi:
«bu xil ighwagerchiliklerni we eng muhim yadro qorallirimizda bolidighan özgirishlerni qobul qilghili bolmaydu. amérika bundaq qilmidi. bu sewebtin, dölet mudapie minstiri xata chüshinishni keltürüp chiqiridighan her qandaq bir heriketni qilsh niyitimiz yoqluqini körsitish üchün, minutéman 3-qiteler ara balistik bashqurulidighan bomba siniqimizni kéchiktürüshni qarar qildi. biz bu qararni asan chiqarmiduq. bu qararni mesuliyetchan yadro küch ikenlikimizni körsitish üchün chiqarduq.»
u amérikaning yadro qoral iqtidarigha ishinidighanliqini bildürüp: «bu keynige chékinish emes we ishenchlik yadro iqtidarni kapaletke ige qilish üchün bashqa daimliq paaliyetlerni emeldin qalduridighanliqimizni bildürmeydu» dédi.
