rusiyening bashqurulidighan bomba hujumida, ukrainaning nurghun esker-puqraliri jénidin ayrildi
rusiyedin ukrainaning sumi ishtati oxtiyrka shehiridiki herbiy bazigha étilghan bashqurulidighan bomba hujumida, 70 eskerning jénidin ayrilghanliqi bildürüldi.
türkiye awazi radiyosi xewiri: ukraina sumi ishtatining waliysi dmiytro jiwiytski télégramda bayanat élan qilip, oxtiyrka shehiridiki herbiy bazining rusiyening bashqurulidighan bomba hujumigha uchrighanliqini we 70 eskerning jénidin ayrilghanliqini bildürdi.
u izdesh-qutquzush xadimliri we pidaiylarning xarabiliq astida qalghanlarni qutquzushqa tirishiwatqanliqini qeyt qildi.
u sheherde rusiye eskerlirining nurghun jesetlirining tépilghanliqini eskertip, bu jesetlerni toplap, xelqara qizil kirést teshkilatigha tapshurup bergenliklirini bildürdi.
rusiyening ukrainagha qiliwatqan hujumliri dawamlishiwatqan bir peytte, kiyéwdiki arqa sep iskilatigha bashqurulidighan bomba chüshüshi sewebidin 28 kishi jénidin ayrildi.
ukraina pirézidénti wladimir zélénskiy rusiye qisimlirining izchil halda arqa sep iskilatlirini bombardiman qiliwatqanliqini we éghir ziyanlarning körülgenlikini élan qilghan idi.
yene bir tereptin, ukrainaning washingtondiki bash elchisi oksana markarowa rusiyening jenwe kélishimide cheklengen wakum bombilirini étiwatqanliqini élan qildi.
aqsaray bayanatchisi psaki kündilik axbarat élan qilish yighinida: «bu xewerni körduq, emma delilliyelmiduq. eger toghra bolsa, urush jinayiti bolidu» dédi.
