wénézuélada néfit shirkitining amérikaliq alte emeldarigha bérilgen qamaq jazasi jezmleshti
wénézuélaning aliy sot mehkimisi dölet ilkidiki néfit shirkiti — PDVSA ning amérikadiki shériki Citgo ning alte emeldarini qamaqqa élish hökümini testiqlidi.
türkiye awazi radiyosi xewiri: wénézuéla yuqiri sot mehkimisi, Citgo yuqiri derijilik emeldarlirining naraziliq erzige munasiwetlik qararini élan qildi؛ 2017- yili tekliplik bir yighingha ishtirak qilish üchün kelgendin kéyin chiriklik jinayiti sadir qilish bilen eyiblinip tutqun qilinghan 6 amérikaliq emeldargha bérilgen qamaq jazasi hökümi jezmleshti. emma sot mehkimisi hazirghiche hökümning sewebige izahat bermidi.
üstidin chiqirilghan qamaq jazasi hökümi jezmleshken kishilerdin tomé wadélning ailisidikiler bayanat bérip: «toméning kishilik hoquqining dawamliq depsende qiliniwatqanliqidin epsuslanduq» dédi.
besh nepiri amérika puqrasi, biri amérikada uzun muddet turush ijazitige ige jemiy alte emeldar, «chiriklik» we «döletke ziyan yetküzüsh» jinayiti bilen eyiblinip sotlanmaqta idi.
Citgo ning 5 emeldarigha 8 yil 10 ayliq qamaq jazasi, qalghan birige 13 yilliq qamaq bérilgenidi.
amérika hökümiti 6 amérika emeldarining «naheq sotlanghanliqi»ni ilgiri sürüp wénézuélaliq bir sotchi bilen bir teptish emeldarini jaza tizimlikige kirgüzgenidi.
