putin xitay reisi shi jinping bilen körüshti

türkiye awazi radiyosi xewiri: jenubiy xitay seher pochtisi gézitining xewiride bildürülishiche, béyjing qishliq olimpik türkiye awazi radiyosi xewiri: tenheriket yighini munasiwiti bilen béyjinggha yétip barghan putin, xitay reisi shi jinping bilen körüshken.

qishliq olimpik tenheriket yighinining échilish murasimidin ilgiri rehberlerning téléwizorda tarqitilghan körüshüshide, putin xitay we rusiyening tashqi munasiwetlerdin iqtisadiy tereqqiyatqiche bolghan nurghun sahede bir-birini qollighanliqini bildürdi.

putin rusiyening xitayni tebiiy gaz bilen teminlishining, ikki dölet otturisidiki énérgiye hemkarliqini ashuridighanliqini eskertip, moskwaning béyjing bilen bolghan munasiwetlirige «tengdishi yoq» dep baha berdi.

u: «ikki döletning munasiwiti, dostluq we istratégiyelik shériklik rohi nuqtisidin heqiqeten tengdishi yoq. ikki terep munasiwiti, özara tereqqiyatni asanlashturghan we tereqqiyatta bir-birini qollashqa yardemchi bolghan yaxshi munasiwet ülgisidur» dédi.

shi jinping rusiye pirézidénti putin bilen körüshüshining, xitay-rusiye munasiwetlirini téximu janlandurghanliqini éytti.

putin-shi körüshüshidin burun, rusiye tashqi ishlar ministiri lawrow bilen xitay tashqi ishlar ministiri wang yi körüshüp, her ikki döletning asiya-tinch okyanda toqunushni ulghaytishni xalaydighan «blok» ning shekillinishige qarshi ikenlikini bildürgen idi.

2022-yilliq qishliq olimpik tenheriket yighini 4-féwraldin 24-féwralghiche béyjingda ötküzülidu.