kilimat özgirishi sewebidin bangladésh xelqi paytext dakkagha köchmekte
kilimat özgirishi rayondiki xelq turmushigha éghir tesir körsetkendin kéyin, bangladéshning déngiz sahili rayonlirida yashaydighan kishiler paytext dakkagha köchmekte.
türkiye awazi radiyosi xewiri: kilimat özgirishi sewebidin bangladéshning déngiz sahili rayonlirida déngiz yüzining örlishi we déhqanchiliq rayonliridiki tuz nisbitining éship kétishi, rayon xelqini yéngi charilerni izdeshke mejbur qilmaqta.
dunya bankasining sanliq melumatlirigha asaslanghanda, her yili 400 ming kishi öy - makanidin ayrilip qalmaqta bolup, her küni texminen minggha yéqin kishi yurtlirini tashlap paytext dakkagha köchmekte iken. olturaq rayonliridin ayrilip dakkagha barghanlar bolsa, kochilarda yashimaqta iken.
maarip we sehiye heq -hoquqidin behrimen bolalmaywatqan bangladéshliq ösmürler bolsa, barliq waqitlirini namratlar rayonida ötküzmekte.
2014-yili bangladéshta élip bérilghan bir tetqiqatqa asaslanghanda, dakkada 3393 namratlar rayoni bar iken.
