omikron wariyantigha munasiwetlik 18 milyondin artuq weqe körülgen

türkiye awazi radiyosi xewiri: dunya sehiye teshkilatining diréktori tédros adxanom ghébréyésus yéqinqi bir heptide dunyada wuxen wirusi (Kovid-19) omikron wariyantigha munasiwetlik 18 milyondin artuq weqening körülgenlikini we wariyantning nahayiti téz tarqalghanliqini éytti.

u dunya sehiye teshkilatining jenwediki merkizide ötküzülgen axbarat élan qilish yighinida, ilgiriki wariyantlargha sélishturulghanda ölümning az bolushi seweblik omikronni «yenggil késellik» dep qarashning xata ikenlikini eskertti.

u: «omikronningmu doxturianida yétishqa mejbur qilidighanliqini we ölümge seweb bolidighanliqini untumasliqimiz kérek. wariyant nurghun kishi xeter astida turuwatqan bu mezgilde nahayiti téz tarqalmaqta. dunyada omikron wariyantigha munasiwetlik 18 milyondin artuq weqe körüldi. ölüm sanliri hazirche muqim, emma sehiye xizmetchiliri we sehiye sistémilirini qiyinchiliq toghduridighan omikronning tesirliri heqqide endishimiz éghir» dédi.

u omikron tarqiliwatqan bu künlerde waksina emletmigen kishilerge waksina yetküzüshning her qandaq waqittikidin téximu muhim ikenlikini eskertip, bar bolghan waksinalarning omikrongha nisbeten ünümining töwen bolushi mumkinlikini, emma késel bolush we ölüm xetirige nisbeten ünümining yuqiri ikenlikini qeyt qildi.

u: «omikron dunyada tarqiliwatqan we yéngi wariyantlarning otturigha chiqish éhtimali bar bolghan ehwalda, wabaning axirigha yéqinlashqanliqimizni éytqili bolmaydu. waksinagha érishishtiki barawersizlik wuxen wirusigha qarshi küreshke selbiy tesir körsetmekte. hazirqi ehwalni özgertmisek, waksina barawersizlikide téximu nachar dewrge kirimiz» dédi.